Mumbai.... sapno ka sahar , Maya nagri ... jb se hosh sambhala ye sabd hi mumbai ke paryay sunayi diye .. Kyu !! Ye sayad meri samajh se pare tha isliye... ya fir sayad in sabdo ke alawa koi aur sabd nhi they Iss sahar ko paribhashit/define karne ke liye..
sach kahu to sayad maine v aur logo ki tarah hi kavi v in sabdo ki gahrayi me uttarne ki koshish nahi ki, Kavi nhi socha iss mahanagri ke baare me, aur sayad isliye bhi kavi ye khyal na aaya kyuki mere baal mann ne kavi apni khubsurat duniya ki khidki se bahar jhank kr dekha hi nhi tha..
Waise to mujhe kavitayen likhne ka shauk h.. ya yu samajh le ki jo kuchh mujhe bha jata hai.. ya mere dil ke kisi kone ko chhu jata hai, usse sabdon me piro ker kagaj ke tukron per uker deti hu.. Lekin AAJ mai aap logo ko ek kahani sunane ja rhi hu ya fir bs ek chhote se bachhe ke mann ko nikal ker aapke samne rakhne ja rhi hu..
(NOTE:-- Many of you my friends might be unable to read this story in pure English or in pure Hindi language, so I am using "Hinglish" to express myself. If you find any mistake or any word that might hurt you, please let me know in Comment Box. I request you all to pardon me, if my words hurts you..)
Chaliye suru karte hain iss kahani ko ..
MUMBAI.. mere khawabon kyalon se dur ek anjan-sa sahar.. kavi yahan aaungi ye socha bhi nhi tha; aur sochti bhi to kaise ??
Patna (Bihar) me ek sidhe-sadhe family me janmi hui, gali ke chhote se school me padhte hue KRISHNA NIKETAN ke campus me pahunchna
hi bahut bari uplabdhi thi. Uske aage kavi socha nhi tha ki apni bachpan ki unn galiyon se dur kahin ja basungi mai..
koi aashiyan aisa bhi hoga mera jahan ki subah jitni anjan hogi meri shaam usse v jyada begani.. lekin phir bhi uss ajnabi se jahan me kuchh parinde apne bhi they.. jo meri hi tarah, apne gharon se dur.. apno se dur ek aisi jagah pahunche they jo bilkul anjana-sa tha fir bhi apna-sa lagne laga tha kuchh hi palon me... Ye jagah thi BUIE (BANKURA UNNAYANI INSTITUTE OF ENGINEERING) ki GIRL's Hostel,bankura,WB. Yahan tarah- tarah ke phool khile they lekin sb ek hi daal per lage the.. sbke rang alag the sayad lekin khushboo ek hi thi..
Agar iss jagah ke baare me baat kru to sayad hafton tk bolne ke baad bhi ,, kahani adhuri rah jayegi... Hostel ki pahli shaam se lekar 2 june 2015 tk ki baaten...Seniors ki hostel ragging se lekar hostel farewell tk ke kisse, jise yaad kr ke hi aankho me aanshu ke kuchh bunde aa jate hain,,, khushi ke ya gam ke ?? nhi janti. Wo room no - 707 ke naam se ek sath 4 ladkiyon ko pahchana jana (jaise kaidiyon ko unke no's se jana jata h), doston ke sath nok-jhok se lekar raat ke 2:30 bje ghar se laye hue naaston ke dabbe saaf kr jana. Har din ek kahani liye hui beeti hai uss jagah per... Wo kahaniyan jinme kuchh naam aise hain jo kavi bhulaye nhi ja sakte.. wo yaaden Jehan me to hain, lekin kagaj per uttar sakun itni himmat nhi ho rhi aaj. Khair ye kahani fir kavi sunaungi..
Aap log bhi soch rhe honge Mumbai ki baat krte karte mai bhi kahan Bankura ki tapti dhup me bhatkne lag gyi !!
Jee han, Ussi tapti dhup me suru hui ye kahani jo na jane kitne sapno ko aankho me sajaye iss MAYANAGRI me aa pahunchi..
05 April,2015 jb pahli baar maine mumbai ki dharti per kadam rakha.. wo pal ajeeb tha . "ajeeb" sayad isliye kyuki iske baare me jitna suna tha, jaisa newspapers aur TV's per dekha tha ye bilkul waisa hi nazar aaya ek pal ko...Iss sahar (mumbai) me taaro si jagmagati, aasmano se baate karti, unchi unchi imaraton me jane kitne log rahte hain ! Puri chaka-chaundh si roshni me nahayi huyi duniya ...
Hr koi apni duniya me byast, apni hi dhun me ... apni hi pareshaniyon me. aisa laga mano kisi aisi jagah aa gayi hu, jahan insaan kam aur machine jayda ho.. rahne ke liye ghar kam lekin rahnewale lakhon ho... 5-10 minute ke gap se sarasar daudati local trains, roads per betahasa daudati cars, cabs, taxis , buses ke rahte hue bhi , yahan gadiyan kam aur musafir jyada ho, aur jb baat khane ki kru to aisa laga jaise KISANO ke iss desh me anaj kam aur VADA PAV jyada ho.. Ye thi meri pahli mulakat
iss Sapno ke sahar MUMBAI se.
Kahate hain,Waqt bitate der nhi lagti aur yehi sahi bhi hai... 05th april, 2015 se abtk jane kitni kahaniya sun chuki hu mai, kitne manjar dekh chuki hu mai.. kitna muskil hota hai yahan aaker Apne aapko Zinda rakhna ye mahsus kr chuki hu mai..
Hr savera ek nyi kahani lekar aata hai,, ek nyi ummeed k sath aur wahi ummeed shaam ko dhalte suraj ke sath hi kahin doob-si
jati hain.. Yahan rahne wale log chaahe 1RK,2bhk, 3bhk, Flats, Apartments ya Villa me rahne wale ho ; ya fir kisi slum me, platforms per
machchharo aur naliyon ke beech rahne wale... Roz bade-bade hotels me party karne wale, apni family ke sath baith ker apne gharon me
dinner karne wale ya fir apni family ke liye 2 waqt ki roti jugadne wale... Sab ki kahani ek si lagti hai ""
Han, sbki ek hi kahani to hai... subah ek nye sapne ke sath, ek ummeed le ker nikalte hain sb apne aashiyane se ya fir apne aashiyane ki khoj me... Bina ruke- bina thake daud lagate rahte hain iss vishwas ke sath ki
" Koi to savera hoga, jiski shaam hasheen hogi,
Koi to manzar aisa hoga, jiski yaad rumani hogi "
Mai bhi unlogo me se ek hu, jo hr subah ek vishwas se jagte hain aur hr shaam ek nye subah ki intezar ke sath so jate hain..
Jitni aasan ye Zindagi lagti hai, utna hi muskil lagta hai yahan ke logo ko samajhna..
Yahan insaan kam aur robots jyada hain, jo kisi particular command instructions ko infinte loop me daal ker bas chale ja rhe hain..
feelings sb ke pass hai, emotions sb me hai BUT jo nhi hai , wo hai time aur jinke pass time hai ; unke pass koi apna unke sath nhi jisse ki wo apni baaten kah saken.. apni khushiyaan apne gum baant sake...
yahan aaker ye samajh aa rha h sayad ki MUMBAI ko MAYA NAGRI kyu kahte hain ?? Kyuki yahan ke rahne wale paison ko sbse jyada pyaar
karte hain.. Inka to ek hi life strategy hai " BAAP bada na BHAIYA, sbse bada RUPAIYA" jitna batore sakte ho , batore lo.. batore lo aur batore lo...
Hm baaten kar rhe hain mumbai ki , ek mahanagri ki jo maya nagri h ... Yahan ped (tree) ki her daal per her roz sainkdo pachchhi baithate hain..
aur har roz unme se na jane kitne apni manzil ki talash me aashman ki or udane bharte hain ; andaza lagana muskil hai.. Unme se kuchh us gagan me kuchh dur jaker koi nya basera dhoondh lete hain to kuchh shaam dhalte hi apni ussi purane basere ki or laut aate hain, kya soch ker ?? ye to samajhna kathin hai.... per kabhi kabhi aisa lagta h ; sayad kl ke savere ke sath ye nyi disha me udan bharna chahte honge.... ya fir, kl ek nyi urja (energy ) ke sath fir se agle padav tk pahunchne ki koshish karenge....
Inn pachchhiyon ki tarah hi yahan ke insano ki mano sthiti ka v aankalan (analysis) kiya ja sakta hai. sabdon me bolker unki bhavnao ko byakt kr
pana mere liye sambhav nazar nhi aata , isliye ye lines likhna chahungi, jisse ki aap sayad samajh payen ki mai aur mujh jaise na jane kitne log iss
sahar me apne sapno (dreams ) ke peechhe bhagte rahte hain aur kis kadar unke pura hone ka khwab bunte hain ;--
" हर शाम तुम्हारी यादों का इक दीप जलाता रहता हूं
जो नग़मे तुम ने गाए थे उनको ही गाता रहता हूं
हर आन तुम्हारे मिलने की चाहत सी मचलती रहती है
हर लम्हा तेरी पलकों से सायों की ज़रूरत रहती है
फिर दूर कहीं वीराने में आवाज़ सुनाई देती है
चाहत के इस पागलपन में आवाज़ का पीछा करता हूं
हर शाम तुम्हारी चाहत का इक दीप जलाता रहता हूं "
ye khwab kb pure honge malum nhi.... pure honge v ya nhi ... ye v nhi janti . lekin , ek umeed -si hai mann ke kisi kone me ..
sayad waisi hi jo bachpan me kagaz ki kasti barish ki pani me chhodte waqt hoti thi... ya fir hawaon ki sansanahat si- jo sunayi to deti hain , lekin kabhi dikhayi nhi deti. Aisi hi koi umeed hai jo mann me to hai.. lekin yeh bhagam-bhag si zindagi me aankho ko nazar nhi aati... yehi hai Mumbai , mere dost .... Jo jitni Rangeen hai , utni hi badrang bhi... Jo dj aur ganpati bappa Mourya ki aawaz se gunjati to rahti hai, lekin uss shor me bhi ek khamoshi hai.... Yahan jis gali me jao ek gana sunai dega... " shantabaiii... shantabaii"
lekin yakin maniye cahro taraf dekhne baad to kya ! Din ki roshni me v aap Lamp le ke dhundh lo , Sach kahti hu koi 'shantabaiii ' nazar nhi aayegi aapko. Jo jaisa dikhta hai... utna hi uska ulta hota hai... ajeeb sa sahar hai ye.... Aur yahan ke log !! usse bhi jyada ajeeb..
yakin maniye yahan agar aap born in mumbai nhi hain to .... fir chahe aap Delhi se ho, pune se , patna se , banglore se ya kolkata se ...
Never mind but aap "GaanvWale" (Villager) ho.... aur iss sach ko aap badal nhi sakte .... Ye hai mumbai......... Aur Aamchi Mumbai.....
Mumbai ke bare me agar aap google kroge to bahut si achhi baate jan ne ko milengi aapko, jaise iska janm aur yahan ki khashiyat...
Lekin baat jb mumbaikaer ki kre to.... subhan allah .... yakin maniye agar aap UP -Bihar se hain to aapko ye BHAIYE hi bolenge...
ye aap apna samman samjhe ya apman... Aap bhale hi Upse crack kr lo, lekin inki nazar me aap ek cheater hain jo hr exam chori se pass
karta hai... aap falon ke raja AAM ki bhale hi kai prajatiyon ko jante ho lekin inke liye HAAPUS se bhadhker koi nhi... aap 100- 200 parakar ke khane-peene ki cheeze ek taraf rakh do aur Vadapav ek taraf..... Yakin karen -na karen aap lekin janab ye sb ke sb Vadapav ki taraf hi daudenge pahle. Kya samjhe ??? Ye hai .... Mumbai meri jaan ....
Yahan logo ko chalna nhi aata, sirf daudna aata hai.... Airtel 4g ki speed se bhi tez h yahan rahne walon ki zindagi....
per hum jaison ke liye .... to maano waisi hi jaise ,,, Airtel ki 4g speed hr jagah hai sivaye hamare mobile ke....
Kabhi-kabhi jb ek pal ko ruk ker apne aapko dhundhne ki koshish karti hu yahan to yehi aawaz aati h mann se...
"दर -ब-दर भटकती हूँ , तुमसे मिलने को ऐ ज़िन्दगी ..
तुम किस कोने में छुपी हो ?? एक आवाज़ तो दो ..."
तुम किस कोने में छुपी हो ?? एक आवाज़ तो दो ..."
Aaj ke liye itna hi rahne dete hain.... fir kavi kuchh likhne ka mauka mila to ru-b-ru houngi aa sb se,..
Apno se milker achha jo lagta hai...
till then .... enjoy this and let me know.... what you felt after reading this ....
THANK YOU ALL.......... :)
Story by : - Arpana sharma
No comments:
Post a Comment